پڕۆسەی بەرهەمهێنانی ئارد

پڕۆسەی بەرهەمهێنانی ئارد.

گەنم پاش بەتاڵکردن لەناو کۆگادا لە ڕێگەی بەرزکەرەوەوە بەرەوە بژاردن (شەنکردن) ڕێنموونی دەکرێت و پاش لابردنی پاشەرۆک سەرلەنوێ دەڕواتەوە ناو سایلۆی گەنم و ئەم پڕۆسەیە جارێکی تر دوبارە دەکرێتەوە. پاش بژاردن، گەم دەڕوواتە ناو ئامێری جیاکەرەوەی گەنم لە لم بۆئەوەی بەرد، خاک و توێکڵی زیادی ئەو جیا کرێتەوە و پاشان دەڕوواتە ناو ئامێری هاوکێشی ئۆتۆمات بۆئەوەی گەنمەکە تەڕ بکرێت. گەنمی تەڕکراو ۱۴ تاکوو ۲۴ کاتژمێر بەم شێوەیە دەمێنێتەوە و پاش ئەم پڕۆسەیە دەڕوواتە ناو والسەوە بۆ ئاشکردن بۆئەوەی کەپکی گەنم لە مێشکەکەی جیا ببێتەوە. لەکۆتاییدا ئاردی بەهەمهێندراو بە ئامێری بلۆوەر (فووپیاکەر) لەناو سایلۆدا خەزن دەکرێت.

ئارد وە یەکێک لە بەرهەمەکانی خواردنە کە دەورێکی زۆر گرنگ لە سەبەتەی خێزانەکاندا دەگێڕیت. ئارد مادەیەکی پاودەرییە کە لە دەنکی دانەوێڵە یان مادەی تری نشاستەیی بەرهەم دێت. بەگشتی ئەوەی وەک ئارد لە لای ئێمە ناسراوە، ئاردی گەنمە. لەگەڵ ویدا، ئاردی گەنمەشامی، نۆک، جۆ، برینج، گەنمی ڕەش و…ش ئامادە دەکرێت. گرنگترین پێکهاتەی ئارد نیشاستەیە کە ژێرتاقمی کاربۆهیدات دێتە ئەژمار. ئاردی گەنم بەگشتی بۆ ئامادەکردنی نان و سپاگێتی بەکاردەهێندرێت. هەروەها بە هۆی تایبەتمەندی نایاب، دەکارکردنی جیاوازی هەیە. چەند کەیسی جۆرەکانی ئارد لە کارگەدا بریتییە لە:

ئاردی نۆل کە لە بەشی ناوەندی ئاندۆ سپرێم بەرهەم دێت.
ئاردی ئەستێرە کە لە ئاندۆسپرێم و ڕێژەیەک توێکڵ بەرهەم دێت.
ئاردی تافتوون و نان کە لە ئاندۆسپرێم بەرهەم دێت.
ئاردی ماکاڕۆنی بەگشتی لە جۆرێک گەنم بە ناوی “دورووم” بەرهەم دێت.

پڕۆسەی بەرهەمهێنانی ئارد

نموونەهەڵگیری

لە کارگەی بەرهەمهێنانی ئارددا بە مەبەستی دڵنیابوونەوە لە کوالیتی و باشی ئارد، نموونەهەڵگری بەرهەمی کۆتایی دەکەن و نموونەکە دەگوازنەوە بۆ یەکەی کۆنتڕۆڵکردنی کوالیتی بۆئەوەی تاقیکردنەوەی پێویستی لەسەر جێبەجێ بکرێت. لەم قۆناغەدا یەکەی یەکەی کۆنتڕۆڵکردنی کوالیتی لەسەر نموونەی ئارد تاقیکردنەوەی وەک کیمیایی و میکڕۆبی جێبەجێ دەکات کە شێداری، پڕۆتین، ترشی ،PH،گلوتین، خۆڵەمیش، خۆڵەمیشی نەتواوە لە ترشیدا و کۆبۆنەوەی دەنکەکان و تاقیکردنەوەی پیتاندنی ئاردە.

تاقیکردنەوەی شێداری بە مەبەستی گونجاوبوونی ئار لەگەڵ ستانداردی نەتەوەیی ژمارە ۱ – ۱۰۳ جێبەجێ دەکرێت. گەر شێداری بەرهەم لە ڕادەی ڕێگەپێدراو زیاتر بێت، پاش ماوەیەک ئارد برش دێنێت و کوڵۆ کوڵۆ دەبێت. تاقیکاری گلوتین بۆ دڵنیابوونەوە لە کوالیتی ئاردی بەرهەمهێندراو بۆ دەکارکردن و ئامادەکردنی هەویر جێبەجێ دەکرێت. گەر گلوتین کەمتر بێت لە ئاستی ڕێگەپێدراو، دەبێتە هۆی لێکهەڵوەشانەوەی هەویر.
تاقیکردنەوەیPH‎‎ لەسەر ئارد، ڕێژەی ترشی و قلیەیی بوونی ئەو ڕوون دەکاتەوە بەپێی ستانداردی نەتەوەیی ئێران ڕێژەیPH نابێ کەمتر یان زیاتر بێت لە ۵/۶ -۶/۵‎‎. تاقیکردنەوەی خۆڵەمێش بە مەبەستی دیاریکردنی ڕێژەی مادەی ئۆرگانیک و کانەکان لە ئارددا جێبەجێ دەکرێت. تاقیکردنەوەی خۆڵەمێشی نەتواوە لە ترشیدا، ڕێژەی لم و زیخی ناو ئارد و تاقیکردنەوەی ترشی، کۆنەبوونی ئاردی بەرهەمهێندراو دیاری دەکات. تاقیکردنەوەی پڕۆتین دیاریکەری ڕێژەی پڕۆتینە ئاردە بەپێی ستانداردی نەتەوەیی. گرنگترین ئەزموونێک کە لەسەر ئارد دەکرێت، تاقیکردنەوەی SPOT TEST‎‎ یان پیتاندنە.